Коронавирустың жаңа қауіпті түрі пайда болды
Беларусь елінде тіркелген коронавирустың жаңа штамы адамнан адамға өте жылдам жұғады. Сондай-ақ вирустың бұл түріне 50 жасқа дейінгі кісілер тез шалдығуда, деп хабарлайды Express Qazaqstan.
Бұл туралы Беларусь республикасының Денсаулық сақтау министрінің орынбасары әрі елдің бас санитарлық дәрігер Александр Тарасенко хабардар етті, деп мәлімдейді "Беларусь 1" телеарнасы.
Қазір көбіне дельта-штамм анықталып жатыр, алайда қыркүйектің басынан бері біз вирустың дельта-лайт штамын байқай бастадық. Бұрын вирус 15 минуттан аса уақыт ішінде жұғатын еді. Жаңа штамм жұғу үшін ауру кісінің қасында екі минут болу жеткілікті,
—деді Александр Тарасенко.
Одан бөлек, аталған дертке 50 жасқа дейінгі азаматтар шалдығып жатыр. Өзге өңірлерге қарағанда, Минскіде вирус жұқтырып жатқандардың басым бөлігі 18-29 жастағы жап-жас азаматтар.
