Вакцинаның үшінші дозасы үлкен қиындық туғызады – ДДСҰ
Дүниежүзілік денсаулық сақтау ұйымының бас директоры Тедрос Гебрейюс коронавирусқа қарсы вакцинаның үшінші дозасын салуға екі айлық мораторий жариялауға шақырды. Ол Венгрияға сапары кезінде бірінші дозаны мүмкіндігінше басқа елдерге тарату керек екенін айтты, деп жазады Egemen.kz.«Біз осылайша вирустың әлі вакцина жетпеген елдерде таралуына жағдай жасап отырмыз. Ал «Дельта» штамм одан әрі дами алады, одан да қатерлі болады. Тіпті одан да қауіпті нұсқалар пайда болуы мүмкін. Сондықтан, вакцинаның үшінші дозасын салудың орнына, бірінші және екінші дозаны алғандар үлесін көбейту үшін басқа елдерге екпе жіберген дұрыс», деді ол.
Венгрияның Сыртқы істер министрі Петер Сийярто денсаулық сақтау саласындағы халықаралық қайырымдылықтың маңыздылығына тоқталды.
«Венгрия вакцина салдырғандар санын арттыру үшін басқа елдерге 1,5 миллионнан астам вакцина берді. Біз болашақта мұндай көмекке ашықпыз», деді Сийярто.
Дүниежүзілік денсаулық сақтау ұйымының мәліметінше, бүкіл әлем бойынша коронавирусқа қарсы вакцинаның бес миллиардқа жуық дозасы шығарылған және жөнелтілген. Препараттың төрттен үш бөлігі тек он елдің қарамағында болды. мысалы, Африкада халықтың шамамен екі пайызы ғана екпе алған.
