NASA Марста тікұшақ ұшыруға дайындалып жатыр
NASA 11 сәуірде Марста Ingenuity тікұшағын ұшыруды жоспарлап отыр.Бұл тікұшақты Жерден тыс аймақта алғаш рет ұшыру болмақ. Оның трансляциясын әлеуметтік желілерден және NASA-ның сайтынан көруге болады. «Ұшу күні өзгеруі мүмкін, өйткені инженерлер ұшу алдындағы тексеру және жетілдіру бойынша жұмыс істеуде», - делінген NASA хабарламасында. Бірінші ұшу кезінде тікұшақ үш метр биіктікке көтерілуі керек. Одан кейін ол планета бетінен бес метр биіктікте ұшады деп жоспарланған.
