Мамандардың пікірінше, гүл таңдаған кезде ең бірінші гүлдің күлтелеріне назар аудару керек. Олар кезектесе ашылып тұруы керек, ал оның ішінде тозаңдардың болмағаны жөн. Жас гүлдің күлтелері жұмсақ, тығыз болады және онда ешқандай дақтар мен жолақтар болмауы керек. Гүлдің жапырақтары мен сабағы да оның қаншалықты балғын екенін көрсетеді. Олар да тығыз, қатты, зақымдалмаған және дақтарсыз болуы керек. Сонымен қатар гүлдің сабағының кесілген жері дымқыл, ашық түсті және бөтен иіссіз болуы керек. Жапырақтарындағы ақ дақтар – гүлдің ескіргенінің көрсеткіші. Бұл оның ішінде жәндіктер болуы мүмкін дегенді білдіреді. Гүлдердің түсін таңдау да қиындық туғызып жатады. Мамандардың кеңесі бойынша, гүлдің түсі жеке талғам мен қыз-келіншектердің жасына да байланысты. Көбінесе жас қыздарға ақ, қызғылт, ашық түсті гүлдер, ал ересек нәзік жандыларға қою және қанық реңкті гүлдер сыйланады.

Гүлдерді қалай ұзақ уақыт сақтауға болатыны туралы флорист кеңесін мына жерден оқуға болады. Бұған дейін Халықаралық әйелдер күнінде көбінесе қандай сыйлықтар сыйланатынын жазған болатынбыз.