Мұсылмандарға арналған смартфон шықты
Мәскеуде мұсылмандарға арналған арнайы BQ -5071 Belief маркалы смартфонының презентациясы өтті. Ihsan.kz-тің жазуынша ұялы телефонның ерекшелігі қай жерде тұрсаң, сол жердің намаз уақытын дәлме-дәл тауып беретіндігінде. Сондай-ақ құлшылық уақыты келгенде қоңыраулатып, белгі береді. Одан өзге смартфон қожайынына жақын маңдағы мешіттер мен халал мейрамханаларды да табуға көмекші құрал. Ал қасиетт Құран мұнда қара сөзбен де, аудио форматта да жазылған. Сонымен қатар Құранды Email, Facebook немесе Twitter сынды әлеуметтік желілерден бөлісе аласыз. Бұл смартфон мұсылмандарға арналғандықтан сыртқы дизайны да соған сай. Ұялы телефооның артқы жағы арабша стильде сәнделіп, экран бетіне исламға қатысты әр түрлі суреттер қойылған.
