Қазалы қаласындағы мәдениет үйінде «Нұралы» мен «Жиенәлі ахун» мешіттерінің ұйымдастыруымен Мұхаммед (с.ғ.с) пайғамбарымыздың туылған күніне орай діни танымдық шара өтті. Онда Қазалы қаласы әкімінің орынбасары Алмат Әбілхан, Қазалы қалалық ардагерлер кеңесінің бастауыш ұйымының төрағасы Қуаныш Көланов жиылғандарды Мәуліт және Тәуелсіздік күні мерекелерімен құттықтады.
Басқосуда Қазалы қаласындағы білім беру мекемелерінің оқушылары елімізге танымал тұлғалардың және өздерінің діни патриоттық жыр-шумақтарын тарту етті.
Тағылымы мол жиынды орталық «Жанқожа батыр» мешітінің бас имамы Берік Сүлейменов қорытындылады. Діни танымдық шараны ұйымдастыруға атсалысқан «Нұралы» мен «Жиенәлі ахун» мешіттерінің имамдарына алғыс хат табыс етті.

Ерлан НҰРЖАУБАЕВ,
аудандық ішкі саясат бөлімінің бас маманы.