Басты рөлді қазақстандық актриса Самал Еслямова ойнаған фильм «Оскарға» «Ең жақсы шетелдік фильм» номинациясы бойынша қатысып жатыр. Бұл номинация бойынша 9 фильм бақ сынауда. Бұл туралы Zhasalsh.kz сайты Stan.kz ақпараттық агенттігіне сілтеме жасай отырып хабарлайды.

Фильм Канн фестивалінде «Ең үздік әйел рөлі» (Самал Еслямова) номинациясы бойынша жеңімпаз атанған. Сол себепті, «Оскарға» Қазақстан атынан қатысуда. «Айканың» бақталастары әзірге мексикандық Альфонс Куаронның «Рим» фильмі, япондық Хирокадзу Корэддің «Магазинные воришки» атты туындысы, поляктік режиссер Павел Павликовскийдің «Холодная война» кинокартинасы, ливандық «Капернаум» фильмі, немістердің «Never Look Away», даттардың «Виновен» атты фильмдері және колумбиялық «Birds of Passage» кинотуындысы болып отыр.

Айта кетерлігі, фильм «ең үздік шетелдік фильм» номинациясына үміткер 87 фильмнің ішінен іріктелген 9 туындының бірі. «Оскар» сыйлығының жеңімпаздары 2019 жылдың 22-қаңтарында белгілі болып, марапаттау салтанаты 24 ақпанда өтеді.