Жарты миллион теңге астаналыққа бұйырды
Оқырмандарымызға күні кеше Сыр өлкесінде Роза Бағланова атындағы «Ақмаңдайлым» әншілер конкурсы өтіп жатқанынан хабардар еткен едік.Конкурс басталмас бұрын БАҚ өкілдеріне берген брифингте белгілі композитор Кеңес Дүйсекеев «Сыр өңірі өзге өңірлердей емес, қандай байқау өткізсе де, тек тазалықпен өткізеді. Кейбір өңірлердей жершілдікке тартып, жүлдені өздеріне алып қалуға жол бермейді, нағыз таланттарды бағалайды» деген болатын.
Расында да байқау мәресіне жеткенде конкурстың бас жүлдесін елордалық Айдын Жұмабаев жеңіп алып, Бағлановтар отбасының 500 мың теңге қаржылай сыйлығы мен халық қаһарманының бейнесіндегі статуэтканы иеленді.
