Қазалы Qazaly.kz ақпараттық агенттігі
» » Ауған соғысының ардагерлері ардақталды

Ауған соғысының ардагерлері ардақталды

"Нұр Отан" партиясы Қазалы аудандық филиалының мәжіліс залында партияның "Ардагерлерді ардақтайық" жобасы аясында өз Отанына шексіз берілген, патриоттық рухы жоғары, қайсар жауынгерлер ерлігін үлгі ету мақсатында Кеңес әскерлерінің Ауған жерінен шығарылғанына 29 жыл толуына орай, ел тәуелсіздігі жолында аянбай тер төгіп, ауыр аманат арқалап, өмір мен өлім белдескен қанды шайқасқа қатысып, батылдық пен ерліктің ерен үлгісін көрсеткен ауған соғысының ардагерлерімен тақырыптық кездесу болып өтті.
Кездесуді "Нұр Отан" партиясы аудандық филиалы төрағасының бірінші орынбасары Мәмбетжан Қасқырбек Өмірзақұлы ашып, жүргізіп отырды. Кездесу барысында ауған соғысына қатысқан ардагерлер Қосмамбетов Ахметжан мен Серікбаев Бағдат сөз алып, отты жылдардағы естеліктерін айтты. Сондай-ақ өмірінің өлшеулі бір бөлігі, жауқазын жастық шағының сүбелі үлесін оқ пен от астында өткізіп, тағдырдың жазуымен елге аман – сау оралып, бүгінде жас ұрпаққа үлгі болып отырған ардагерлерге аудандық партия филиалының арнайы алғыс хаты табысталды. "Ауғанстаннан Кеңес әскерлерінің шығарылғанына 29 жыл өтсе де, сол кездегі жауынгерлер бүгінгі бейбіт өмірдің еңбеккерлері соғыс жарасынан айыға алмай келеді. Бүгін өзімізбен бірге сыр елінің көсегесін көтеруге атсалысып жүрген ауғандық ардагерлер жауынгерлерді қадірлеп - құрметтеу – біздің борышымыз. Бейбіт өмірдің баға жетпес бақытты күндерінде амандықпен дидарласайық!"-деп Қасқырбек Өмірзақұлы кездесуді қорытындылады.
"ҚАЗАЛЫ" ақпарат. 
15 ақпан 2018 ж. 2 562 0

Жаңалықтар мұрағаты

«    Маусым 2024    »
ДсСсСрБсЖмСбЖс
 12
3456789
10111213141516
17181920212223
24252627282930