Қазалы Қазалы аудандық қоғамдық-саяси газет
» » » Димаш Құдайбергеннің АҚШ-та беретін жеке концертінің уақыты белгілі болды

Димаш Құдайбергеннің АҚШ-та беретін жеке концертінің уақыты белгілі болды

Концертті ҚР мәдениет және спорт министрлігі ұйымдастырып жатыр.
10 желтоқсанда Нью-Йорктегі (АҚШ) "Barclays Center" аренасында Димаштың жеке концерті “Арнау” бағдарламасымен  өтеді.
"Шоу Димашты әлемге қазақ мәдениеті мен музыкасының елшісі ретінде бейнелейді. Концертті ұйымдастырушы Қазақстан Республикасының Мәдениет және спорт министрлігі. Концерт АҚШ-тағы Қазақстан Республикасының мәдени күндері аясында және Жастар жылы-2019 шеңберінде өтпек", - делінген хабарламада.
Концертті ҚР мәдениет және спорт министрлігі ұйымдастырып жатыр.  
ҚР Мәдениет және спорт министрі Ақтоты Раимқұлова: "Димаштың концертін АҚШ-та ұйымдастыру біз үшін үлкен мәртебе. Қазақстанның алтын дауысы, Димаш өнер көрсеткен барлық елдегідей, Американың ерке жұртын тәнті ететініне сенімдіміз", - деп атап өтті.
 Бұл Американың танымал режиссерлерінің қазақстандық режиссерлермен және хореграф-қоюшылармен біріккен жұмысы болатынын атап өту керек. Билеттер жақын арада сатылымға шығады. 
06 қыркүйек 2019 ж. 25 0

Жаңалықтар мұрағаты

«    Қыркүйек 2019    »
ДсСсСрБсЖмСбЖс
 1
2345678
9101112131415
16171819202122
23242526272829
30