Шашқа тағатын резеңкеден ауру болды: әйел адам оны білегіне тағып жүрген

Канаданың Британдық Колумбия провинциясында тұратын келіншек шашқа арналған резеңкенің қандай зияны бар екенін айтты.

Шашқа арналған резеңкенің қандай зияны бар екені белгілі болды, деп хабарлайды Stan.kz ақпарат агенттігі The Sun басылымына сілтеме жасап. 
Канаданың Британдық Колумбия провинциясында тұратын келіншек шашқа арналған резеңкенің қандай зияны бар екенін айтты. 
Лиза Макленнан есімді 47 жастағы 4 балалы ана соңғы 30 жыл бойы білегіне резеңке тағып жүрген. Артынша білекті қысып тұратын аксесуардан келіншек білек каналдарының синдромы ауруына шалдыққан. 
«Мен тіпті не екенін де байқамаппын. Шашым жайылып тұрған кезде резеңкем білегімде тұратын. Өтінемін менің қателігімді қайталамаңыздар. Болашақта аурумен алысқанша, қазірден бастап, бұл әдеттеріңізден арылыңыздар», -дейді Лиза Макленнан. 
Бастапқыда ол қолының ауырғанын артрит деп қабылдап жүрген. Бұл резеңкеден екенін дүкенші айтқан кезде ғана ұғынған. Келіншек дәрігерлерге жүгінген кезде резеңкенің қан айналымы жүйесін бұзып, қолына кері әсерін тигізгенін түсінген.