Мүлік салығы: кім, қашан және қанша төлейді?
Жеке тұлғалардың мүлік салығы – жыл сайын әрбір баспана немесе жер телімі иесінің алдынан шығатын маңызды міндеттемелердің бірі. Жылжымайтын мүлігі бар кез келген азамат бұл салықтың не үшін есептелетінін және төлеу мерзімдерін білгені жөн. Салық объектілеріне не жатады?
Мүлік салығы жеке тұлғаға меншік құқығымен тиесілі мынадай объектілерге салынады:
Тұрғын үйлер, пәтерлер, саяжайлар;
Гараждар, автотұрақ орындары;
Ғимараттар, құрылыстар және өзге де тұрғын емес жайлар;
Пайдаланылатын немесе пайдаланылмайтын жер телімдері.
Салық төлеудегі жеңілдіктер
Кейбір азаматтар санаттары мүлік салығын төлеуден толық немесе ішінара босатылады:
«Алтын алқа», «Күміс алқа» иегерлері, «Батыр аналар»;
Ұлы Отан соғысының ардагерлері мен оларға теңестірілген тұлғалар;
І және II топтағы мүгедектігі бар адамдар;
Еңбек сіңіргені үшін бөлек тұратын зейнеткерлер (белгіленген лимит шегінде).
Төлеу мерзімі мен тәсілдері
Мүлік салығы есепті жылдан кейінгі жылдың 1 қазанына дейін төленуі тиіс. Өсімпұл есептелмес үшін төлемді уақытылы жүргізген маңызды.
Бүгінгі таңда салықты үйден шықпай-ақ төлеудің бірнеше оңай жолы бар:
1. e-Salyq Azamat мобильді қосымшасы арқылы;
2. Екінші деңгейлі банктердің мобильді қосымшалары (Kaspi, Halyk т.б.);
3. eGov.kz электрондық үкімет порталы арқылы.
Мүлік салығын уақытында төлеу – жергілікті инфрақұрылымды дамытуға, жолдарды жөндеуге және аулаларды көркейтуге қосылатын тікелей үлес. Өз мүлкіңізге жауапкершілікпен қарап, салық міндеттемесін созбай орындауды ұмытпаңыз.
Д. САЛМУРЗАЕВ,
Қазалы ауданы бойынша
Мемлекеттік кірістер басқармасының бас маманы
