Назарбаев Қазақстан-Қытай шекарасында тұрғызылып жатқан қаланың болашақта Гонконг сияқты болатынын айтты.

Нұрсұлтан Назарбаев Нью-Йорктағы брифингте жаңа Жібек жолы тақырыбын сөз еткенде Қазақстан-Қытай шекарасында тұрғызылып жатқан қаланың болашақта Гонконг сияқты болатынын айтты, деп хабарлайды Today.kz.

"Біз Қытаймен шекарада, "Қорғаста" қала салып жатырмыз. "Алтынкөл" деген атпен өркендеп жатыр. Ол Гонконг сияқты болады. Бұл жобаға қызығушылық жоғары. Ана жақ пен мына жақтан 500 гектар бөлдік, өндіріс енгізіліп, сауда жүріп жатыр", - деді Қазақстан Президенті.

Нұрсұлтан Назарбаев бұл жобаның Қазақстанға тигізер пайдасын атап өтті.

"Америкалық тарап қызығушылық танытулары керек", - деді Мемлекет басшысы.

Айта кетейік, Нұрсұлтан Назарбаев БҰҰ ҚК отырысын жүргізді.