Ауылшаруашылық қарқынды дамуда
Арықбалық, Көларық ауылдық округтерінде жалғасқан аудан әкімінің халықпен есепті кездесуінде 2017 жыл аудан халқы үшін жағымды жаңалықтар мен жақсы істерге толы болғандығы айтылды.Барлық жұмыстар Елбасы Жолдауынан туындайтын міндеттер мен «Болашаққа бағдар: Рухани жаңғыру» бағдарламалық мақаласын жүзеге асыруға бағытталды. Әлеуметтік-экономикалық саясатты жүзеге асыру, жаңа индустрияландырудың мемлекеттік бағдарламалары және рухани шаралар аудан экономикасын дамытуда оң көрсеткіштерге қол жеткізуге мүмкіндік берді.
2017 жылдың 11 айында ауылшаруашылығы өнімінің көлемі 9 млрд.903 млн. теңгені құрап, өткен жылдың тиісті кезеңімен салыстырғанда 5,8 пайызға өсті. Өндірілген ет көлемі 5050,6 тонна (2016 жылы 4982,2 тн), сүт – 13666,3 тонна(2016 жылы 13567,3 тн), жұмыртқа – 611,1 мың дананы(2016 жылы 607,5 мың дана) құрады.
