Сыр журналистері Мәскеудегі халықаралық конференцияға қатысуда

Облыс әкімі Қырымбек Көшербаевтың қолдауымен "Сыр медиа" серіктестігіне қарасты аудандық басылымдардың журналистері Маскеудегі 10-шы халықаралық «БАҚ және бұқаралық коммуникация» окылымына қатысуда. Ломоносов атындағы Мәскеу мемлекеттік университеті ұйымдастырып жатқан биылғы оқылымда «БАҚ-тың сандық түрленуі: аймақтық, ұлттық және глобалдық мәселелері" тақырыбы талқылануда.

Басқосуды М.Ломоносов атындағы Мәскеу мемлекеттік университетінің журналистика факультетінің деканы Елена Вартанова ашып берді. Сондай-ақ, журналистика саласына сіңірген еңбегі Италияның Перуджи университетінің профессоры Паоло Манчиниге М.Ломоносов атындағы Мәскеу мемлекеттік университетінің "Құрметті профессоры" атағын табыстады.

Конференцияда Паоло Манчини (Италия), Ханну Ниеминен (Финляндия), Массимо Рагнедда (Ұлыбритания), Лю Янь (Қытай), Моновара Бегум Мони (Германия), Малини Сринвасан (Үндістан) сынды танымал ғалымдар дәріс оқып, көпшіліктің сұрағына жауап берді.

Айта кетейік, конференция екі күнге созылады.