Қыркүйектің аяғында ауа райы қандай болады?
Фото: depositphotos.comҚазгидромет 29, 30 қыркүйекке және 1 қазанға арналған ауа райы болжамын жариялады, - деп хабарлайды Massaget.kz.
29-30 қыркүйек аралығында республиканың басым бөлігінде жауын-шашынсыз, ашық ауа райы болжанып отыр. 1 қазанда атмосфералық фронттар әсерінен Қазақстанның басым бөлігінде ауа райы тұрақсыз болады. Жаңбыр жауып, найзағай ойнап, жел күшейеді.
Түнгі, таңертеңгі уақытта тұман түседі. Елдің солтүстік жартысында 1-3 градус аяз сақталады.
Солтүстікте күндіз ауа температурасы +15…+23 градус болады. Оңтүстікте ауа температурасы +20…+25 градустан +15…+23 градусқа дейін төмендейді. Таулы жерлерде +10…+15 градустан +8…+13 градусқа дейін төмендейді.
