Қытай елге кіру және шығу ережелерін өзгертті
Фото: depositphotos.comҚытайда 15 қыркүйекте елдің егемендігі мен қауіпсіздігін, сондай-ақ келушілер мен кетушілердің құқықтарын қорғауға бағытталған қосымша шараларды қарастыратын жаңа регламент күшіне енді, деп хабарлайды Tengrinews.kz РИА Новостиге сілтеме жасап.
"Ережелер келушілер мен кетушілердің заңды құқықтарын, сондай-ақ мемлекеттің егемендігін, қауіпсіздігін және даму мүдделерін қорғауға бағытталған", – деп мәлімдеді ҚХР Мемлекеттік кеңесі.
Құжатта билік жекелеген елдерге бару кезіндегі қауіп-қатерлер туралы ескертулер жариялап отыратыны көрсетілген. Шетелде құқық бұзған немесе экспорттық бақылау ережелерін бұзған Қытай азаматтарына алты айдан үш жылға дейінгі мерзімге елден шығуға тыйым салынуы мүмкін.
Виза рәсімдеу кезінде немесе шекарада жалған мәлімет берген шетелдіктерге Қытайға келуге бір жылдан бес жылға дейінгі мерзімге тыйым салынуы мүмкін.
Келу және кету мәселелері бойынша делдалдар үшін міндетті тіркеу енгізіледі. Заңсыз қызметі үшін 750-ден 7500 долларға дейін айыппұл қарастырылған.
