Таиланд қазақстандықтар үшін визасыз режимді қатаңдатты
Фото: Pixabay15 қыркүйектен бастап Таиланд аумағында болудың жаңа ережелері күшіне енеді. Бірқатар мемлекеттің, соның ішінде Қазақстан азаматтарының Таиландта визасыз жүру мерзімі қысқарады, деп хабарлайды Sn.kz ақпарат порталы.
Таиланд Қазақстан Республикасының азаматтары үшін визасыз болу мерзімін 60 күннен 30 күнге дейін қысқартады.
Таиланд министрлер кабинетінің тиісті шешімі 2026 жылғы 15 қыркүйекте күшіне енеді.
"Аталған норма күшіне енгеннен кейін Қазақстан азаматтарына Қазақстан Республикасының үкіметі мен Таиланд Корольдігінің үкіметі арасындағы ұлттық паспорт иелерін визалық талаптардан босату туралы келісімнің ережелері қолданылады", - делінген хабарламада.
Келісімге сәйкес, Қазақстан азаматтары Таиланд аумағында елге кірген күннен бастап 30 күнтізбелік күнге дейін визасыз бола алады, бұл ретте әрбір 180 күндік кезең ішінде болудың жиынтық мерзімі 90 күнтізбелік күннен аспауға тиіс.
Осыған байланысты Таиландқа сапар жоспарлап отырған Қазақстан азаматтарына көші-қон режиміндегі өзгерістерді ескеру ұсынылады.
Елде 30 күннен астам уақыт болу қажет болған жағдайда, тиісті визаны алдын ала рәсімдеу қажет.
