Қазақстандықтар Таиландқа визасыз неше күнге бара алады?
Фото: pixabay.comҚазақстан тұрғындары Таиландта визасыз 60 күн бол алады, - деп хабарлайды Massaget.kz Business Standart-қа сілтеме жасап.
Таиландтың Ішкі істер министрлігі 93 ел мен аумаққа, соның ішінде Қазақстан үшін визасыз режимді ұзарту жайлы шешім қабылдады. Бұған дейін Қазақстан азаматтары Таиландта тек 30 күн визасыз қала алатын.
"Бұл елдердің азаматтары Таиландқа туристік немесе қысқа мерзімді іссапарлар үшін визасыз 60 күн бола алады", - деді Ішкі істер министрлігінің өкілі Трайсури Тайсаранакул.
Ол сондай-ақ тұрғындары Таиландқа келіп виза ала алатын елдердің саны 19-дан 31-ге дейін артқанын айтты. Жаңа визасыз режимнің арқасында Қазақстан және басқа да елдердің саяхатшылары Таиландқа келерде және келгеннен кейін виза алмай кіре алады. Десе де, олар шекарада бақылаудан өтеді және олардың паспорты тексеріледі.
Еске салайық, саяхаттаушы қазақстандықтарға жазда баруға болатын 5 елді ұсынған болатын. Бұл тізімде Таиланд та бар.
