Құқық бұзушылықтың алдын алу – ортақ міндет
Қоғамдық қауіпсіздік пен құқық бұзушылықтың алдын алуды насихаттау мақсатында жастар арасында профилактикалық кездесу өтті.
Кездесуге қалалық прокуратура, Полиция департаментінің Есірткі қылмысына қарсы іс-қимыл басқармасы, қалалық ювеналды полиция өкілдері және Жастар орталығының мамандары қатысты.
Кездесу барысында жастар мен жасөспірімдер арасында жиі кездесетін құқық бұзушылық түрлері, олардың себептері мен салдары талқыланып, нақты өмірлік кейстер қарастырылды.
Сондай-ақ есірткі қылмысының алдын алу, кәмелетке толмағандардың құқықтық сауаттылығын арттыру және қоғамдық тәртіпті сақтау мәселелеріне ерекше назар аударылды.
Іс-шараның негізгі мақсаты – жастардың құқықтық мәдениетін қалыптастыру, құқық бұзушылықтың алдын алу және қауіпсіз қоғам құруға үлес қосу.
