Облыстан бұйырған олжа
Жақында Қызылорда қаласындағы «Теннис орталығында» облыс ардагерлері арасында ұлттық зияткерлік ойын – тоғызқұмалақтан облыстық спорттық жарыс өтті.Ардагерлер арасында салауатты өмір салтын насихаттау, ұлттық спорт түрін дамыту және өңірдің үздік ойыншыларын анықтап, оларды республикалық деңгейдегі жарыстарға даярлау мақсатында ұйымдастырылған тартысты додада ауданның намысын қорғаған ардагерлер табысты өнер көрсетіп, жүлделі орындарға ие болды. Ерлер арасында қазалылық Сәлмен Мұхтар жүлделі үшінші орынды иеленсе, әйелдер арасында Жаңыл Мырзатаева екінші орынды еншіледі.
Жүлдегерлер Қызылорда облыстық ардагерлер кеңесінің арнайы дипломдарымен және естелік сыйлықтарымен марапатталды.
Аудан абыройын асқақтатып жүрген ардагерлерімізді жарқын жетістіктерімен шын жүректен құттықтаймыз. Алдағы уақытта да толайым табыстарға жетіп, биік белестерді бағындыра берулеріне тілектеспіз!
«ҚАЗАЛЫ» ақпарат
