ШАХМАТТАН ТУРНИР ӨТТІ

Турнир жастар, ерлер мен әйелдер, ардагерлер арасында ұйымдастырылып, облыс көлемі бойынша барлығы 70-ке жуық спортшы қатысты. Тартысты өткен турнирдің ардагерлер арасындағы нәтижесі бойынша І орын қазалылық Әбдірейм Шүреновке бұйырды. ІІ орынды байқоңырлық Серік Имашов қанжығасына байласа, қазалылық Жанаман Айғара ІІІ орынды місе тұтты. Ал ерлер арасындағы нәтижемен І орынды Қызылорда қаласынан келген Нұрдәулет Таңатов иеленсе, ІІ орынды Қазалы ауданынан қатысқан Қабылбек Смағул иемденді. ІІІ орын байқоңырлық Нұрлан Қосбауленге бұйырды. Әйелдер арасындағы нәтиже бойынша қызылордалық Каусар Али І орынды жеңіп алса, Інжу Махмутбай ІІ орынды, қазалылық Рабиға Шаламан ІІІ орынды иеленді. «Ең үлкен ойыншы» номинациясы Сержанқожа Берденге, «Ең жас ойыншы» номинациясы Гаухар Серікқалиге табысталды.

Жүлдегелер ардагер Смағұл Қабақтың ұрпақтарының қаржылай сыйлықтарымен және аудандық дене тәрбиесі, спорт және туризм бөлімінің дипломдарымен марапатталды.