+41 градус: Қазақстанда жаңа аптап толқыны күтіледі
Фото:depositphotos.com"Қазгидромет" синоптиктері 8, 9 және 10 тамызға арналған ауа райы болжамын ұсынды, деп хабарлайды Tengrinews.kz.
Болжамға сәйкес, алдағы күндері Қазақстанда аптаптың жаңа толқыны күтіледі. 8-10 тамыз аралығында елдің басым бөлігінде ыстық әрі құрғақ ауа райы орнайды, алайда кейбір аймақтарда найзағайлы жаңбыр жауады.
+41 градусқа дейін аптап
Қазақстандағы ауа райын ауқымды антициклон айқындайтын болады. Иран тарапынан жылы ауа массаларының келуіне байланысты температура айтарлықтай көтеріледі. Елдің солтүстігі мен шығысында ауа температурасы +35...+39 градусқа дейін ысиды.
Оңтүстікте +35...+41 градусқа дейін қатты ыстық күтіледі.
Батыс және орталық өңірлерде температура +36...+41 градусқа дейін көтеріледі. Мұнда кей жерлерде өте қатты ыстық болады деп болжанады.
Қай жерде жаңбыр мен найзағай болады?
Ауа райының негізінен құрғақ болуына қарамастан, кейбір аймақтарда жауын-шашын болады. Кезеңнің соңында Қазақстанның батысы мен солтүстік-батысына солтүстік-батыс циклоны мен атмосфералық фронттардың әсерінен найзағайлы жаңбыр жауып, жел күшейеді. Кейбір аудандарда бұршақ жаууы мүмкін.
Республиканың шығысында кезеңнің басында найзағайлы жаңбыр күтіледі.
Сонымен қатар оңтүстік пен оңтүстік-шығыстың таулы аймақтарында үш күн бойы найзағайлы жаңбыр жауады деп болжанып отыр.
