Аптап ыстыққа байланысты қашықтан жұмыс істеуге немесе жұмыс кестесін өзгертуге бола ма – Министрлік түсіндірді
Фото: depositphotosЕңбек министрлігі қазақстандық қызметкерлерді аптап ыстыққа байланысты қашықтан жұмыс істеуге немесе икемді кестеге ауыстыруға бола ма, жоқ па, түсіндірді. Бұл туралы Stan.kz ақпарат агенттігі хабарлайды.
Жұмыс берушілер аптап ыстыққа байланысты қызметкерлерді автоматты түрде қашықтан жұмыс істеуге ауыстыруға міндетті емес.
Қашықтан немесе біріктірілген жұмыс тәртібі қызметкердің немесе жұмыс берушінің бастамасы бойынша белгіленуі мүмкін, бірақ тек өзара келісім бойынша ғана. Қызметкер уақытша қашықтан жұмыс істеуді сұрай алады, бірақ соңғы шешім жұмыс берушімен бірлесіп қабылданады.
Қашықтан жұмыс істеген кезде қызметкер жұмыс уақытында хабарда болуы керек.
Жұмыс беруші мен қызметкер икемді кесте туралы да келісе алады. Мысалы ең ыстық сағаттарда жұмыс істемеу үшін жұмыс күні ертерек басталуы мүмкін.
Мұндай кестенің шарттары еңбек шартында немесе жұмыс берушінің ішкі ережелерінде белгіленген.
Ал ыстықта ашық ауада жұмыс істейтін қызметкерлерге салқындап, тынығу үшін арнайы үзілістер берілуі керек.
Бұл үзілістер жұмыс уақытына кіреді. Жұмыс беруші қызметкерлерге демалу және салқындау үшін орын беруі керек.
Егер жұмыс жағдайлары өмірге немесе денсаулыққа қауіп төндірсе, қызметкер жұмыс істеуден бас тартуға құқылы. Бұл туралы басшыға немесе жұмыс берушінің өкіліне дереу хабарлау қажет.
Заңбұзушылықтар анықталған жағдайда қызметкер еңбек инспекциясына хабарласа алады. Инспектор заңбұзушылықтарды түзетуді талап етуге және жұмыс берушіні әкімшілік жауапкершілікке тартуға құқылы.
