Қазақстанның негізгі серіктестерімен тауар айналымы 44,9 млрд долларға жетті
Қазақстанның негізгі 5 сауда серіктесі
Фото: freepik.com
Қазақстанның сыртқы сауда биыл қаңтар-сәуір айларының қорытындысы бойынша айналымы 44,9 млрд долларды құрады. Бұл өткен жылдың сәйкес кезеңімен салыстырғанда номиналды түрде 7,9 пайызға артқан, деп хабарлайды Azattyq Rýhy.
Экспорт көлемі 24 млрд долларды, ал импорт көлемі 20,9 млрд долларды құрады. Қазақстанға тауар жеткізуші ірі елдердің қатарында Ресей (6,6 млрд доллар), Қытай (6 млрд доллар), Германия (1 млрд доллар), АҚШ (0,9 млрд доллар) және Оңтүстік Корея (0,5 млрд доллар) болды.
Қазақстан экспортының негізгі бағыттары Қытай (4,9 млрд $), Италия (4 млрд $), Ресей (2 млрд $), Түркия (1,7 млрд $) және Өзбекстан (1,4 млрд $) елдері болды.
«2026 жылғы қаңтар-сәуір айларындағы көрсеткіштер Қазақстанның сыртқы саудасында оң динамиканың сақталғанын және негізгі халықаралық серіктестермен тауар айналымының тұрақты өсіп келе жатқанын көрсетеді», – делінген Стратегиялық жоспарлау және реформалар агенттігінің Ұлттық статистика бюросы таратқан хабарламада.
