Ақтан батыр ауылында кенеге қарсы залалсыздандыру жұмыстары басталуда
Бүгіннен бастап аудан аумағында Қырым-Конго геморрагиялық қызбасының алдын алу бағытындағы қабылданған тиісті шараларға сәйкес, Ақтан батыр, Бекарыстан би, Майдакөл, Аранды және Қожабақы ауылдарындағы мал қораларында механикалық тазалау жұмыстары басталуда.
Осыған орай аудан әкімі Алмасбек Есмаханов тиісті сал басшыларымен бірге Ақтан батыр ауылына арнайы барып, Конго-Қырым геморрагиялық қызбасының алдын алу бағытындағы дайындық жұмыстарымен танысты.
Елді мекенді аралау барысында ауылдағы санитарлық тазалықтың жай-күйін, мал қоралары мен қора-жайлардың, аула аумақтарының тазалығын көріп шықты. Ауыл әкіміне санитарлық тазалықты күшейтіп, қора-жайлар мен аулалардың тұрақты тазалығын қамтамасыз ету бойынша бірқатар тапсырмалар берді.
Сонымен қатар, ауыл әкіміне тұрғындар арасында кенеден қорғану, аурудың алдын алу шаралары жөніндегі түсіндіру жұмыстарын жүргізу қажеттігін атап өтті.
