КОНГО-ҚЫРЫМ ГЕМОРРАГИЯЛЫҚ ҚЫЗБАСЫНЫҢ АЛДЫН АЛУҒА БАЙЛАНЫСТЫ ЗАЛАЛСЫЗДАНДЫРУ ЖҰМЫСТАРЫ БАСТАЛДЫ

Осыған сәйкес Ғани Мұратбаев ауылында аудан әкімінің орынбасары Жалғас Сүйеубаевтың төрағалығымен Конго-Қырым геморрагиялық қызбасы ауруына қарсы заласыздандыру жұмыстарын жүргізу жөніндегі жұмысшы топтың мүшелерімен жиын өтіп, залалсыздандыру жұмыстарын жүргізетін мердігер мекеменің техникаларының сап түзеуі өткізілді.

Алдағы уақытта биылғы жылы аудан бойынша «қолайсыз» болып анықталған 17 елді мекенде (Мұратбаев, Майлыбас а.о (Майлыбас, Байқожа), Ойынды, 99 бекет, Қарашеңгел а.о (Үйрек, Водокачка), Құмжиек а.о (Пірімов, Мәдениет), Басықара, Ақтан батыр, Жанқожа батыр, Бекарыстан би, Майдакөл, Түктібаев, Өркендеу, Бірлік, Бозкөл, Кәукей, Отгон) залалсыздандыру жұмыстары жүргізілетін болады.

Осыған орай, елді мекен тұрғындарынан кенеге қарсы өңдеу жұмыстарының тиімділігін арттыру мақсатында жеке меншік мал қораларына механикалық тазарту жұмыстарын сапалы жүргізулеріңізді сұраймыз.