Қазалы ауданында тұрғындар 100 пайыз таза ауызсумен қамтылған
Президент Жолдауында 2025 жылдың соңына дейін Қазақстан халқын 100 пайыз таза ауыз сумен қамту жөнінде тапсырма берілген болатын. Осыған сәйкес, Қазалы ауданында да өткен жылы жүйелі жұмыстар жүргізіліп, нәтижесінде, аудан тұрғындары 100 пайыз таза ауыз сумен қамтылды.
Ауыз сумен қамту бойынша 2025 жылы аудан орталығынан шалғай орналасқан Сарбұлақ, Шилі, Шәкен және Шитүбек елді мекендерін ауыз сумен қамтамасыз ету жұмыстарына Мемлекет басшысының тапсырмасына сәйкес, мемлекетке қайтарылған активтер есебінен, республикалық,облыстық және арнайы есеп шоттан тиісті қаржы бөлініп, құрылыс жұмыстары толық жүргізіліп, аталған елді мекендерге таза ауыз су пайдалануға берілді.
