Өткенге құрмет – бүгінге міндет
Ү.Түктібаев ауылдық кітапханасы мен клубы бірлесіп, 31 мамыр – Саяси қуғын-сүргін және ашаршылық құрбандарын еске алу күніне орай «Тарихыңды таны, тағзым ет!» атты тарихи-танымдық кеш өткізілді.Өткен тарихтың ауыр кезеңдерін жас ұрпақ санасына сіңіру, боздақтар рухына тағзым ету және ел тарихына құрмет сезімін қалыптастыру мақсатында ұйымдастырылған шара барысында ауылдық ардагерлер кеңесінің төрағасы Ө.Жәниет пен ауыл тұрғыны, кітапхананың тұрақты оқырманы Ж. Ерболат сөз сөйлеп, дүрбелең кезеңнің қазақ халқына тигізген орасан зияны туралы тағылымды ойларымен бөлісті.
Б.Әбдіразақов атындағы №88 орта мектеп оқушылары тақырып туралы авторлардың және өздерінің жүрекжарды жырларын тебірене оқып, көрерменге ерекше әсер сыйлады.
«Құрбандар рухына тағзым» атты кітап көрмесінде нәубет жылдар мен қуғын-сүргін кезеңін суреттейтін әдебиеттер мен тарихи деректер таныстырылып, оқырмандар назарына ұсынылды.
Гүлмира НИЕТОВА
