Кәсіпке бастар жол

«Ауыл аманаты» бағдарламасы арқылы ауыл тұрғындарының табысын арттыру, ауыл шаруашылығы өнімдерін өндіруді және өңдеуді дамыту, ауылдық инфрақұрылымды дамыту сияқты бірнеше салалық мақсаттар көзделген. Атап айтқанда, бағдарлама ауыл тұрғындарын сауаттандыру, кәсіпкерлікке ынталандыру және әлеуметтік жағдайын жақсарту арқылы жүзеге асады.

Бағдарламаның негізгі бағыттарына орай экономикалық даму қарқын алады. Ауыл шаруашылығында жаңа технологияларды енгізу, кәсіпкерлікті дамыту, кооперацияларды құру арқылы ауылдық өнімділікті арттыру. Бұл бағытта агротехникалық қызметтер, несие беру бағдарламалары және субсидиялар сияқты механизмдер қарастырылған.

Осындай оңтайлы мүмкіндіктрі қалт жібермеген «Ауыл аманаты» жобасы аясында 8,6 миллион теңге несие алып, жылыжай өсіруді қолға алған Салтанат Ражатова өзінің кәсіпкерлік жолындағы алғашқы жетістіктерімен бөлісті. Ол бағдарлама арқылы қаражат алып, кәсібін алғашқылардың бірі болып бастаған.

Биыл жылыжайда 160 шаршы метр аумаққа көшеттер мен қияр егеді. Нәтижесінде мол өнім жиналып, жобаның жемісі тиісті тұтынушыларға таратылды.

– Жылыжай жұмысын жүргізе бастағанымызға өкінбейміз. Бір адамды жұмыспен қамтып отырмын. Отбасымда барлығы қол ұшын береді.

Бүгінде табиғи таза өнімді өзіміз тұтынумен қатар, халыққа да ұсынудамыз. Өнімге сұраныс бар, бұл кәсіпкер үшін ең маңыздысы, – дейді Салтанат.

Салтанат «Ауыл аманаты» бағдарламасы бойынша берілетін несие шарттарының тиімділігін де атап өтті. Оның пікірінше, бағдарлама еңбек еткісі келетін азаматтарға үлкен мүмкіндік береді. Кәсіп бастауға ынталы адамдар үшін қажетті қолдау мен ресурс бар.

– Ауылдық жерлердегі білім беру, денсаулық сақтау, әлеуметтік қорғау мәселелеріне ерекше назар аударылып, ауыл тұрғындарының қажеттіліктеріне сәйкес қызмет көрсету жүйесін жақсарту. Мектеп, аурухана, мәдениет ошақтарының жағдайын жақсарту бағытында жобалар жүзеге асырылуда.

Экологиялық мәселелерді шешу, ауыл шаруашылығы өнімдерін өндіруде экологиялық таза технологияларды қолдану мен ауылдық жерлерде су ресурстарын тиімді пайдалану да жақсы жолға қойылуда, – дейді кәсіпкер.

Бағдарламаның іске асырылу механизміне де мән берілген. Яғни «Сыбайлас жемқорлыққа қарсы саясат», «Агроөнеркәсіптік кешенді дамытудың 2023-2025 жылдарға арналған мемлекеттік бағдарламасы» сияқты мемлекеттік стратегиялармен үйлестіре отырып, «Ауыл аманаты» бағдарламасы аясында ауыл тұрғындарына кеңес беру, жобаларды қорғау, гранттар мен несиелерді алу тәртібі бойынша ақпарат беру жүзеге асырылады.

Ауыл аманатының қаншалықты әлеуметтік маңызы бар дерсіз. Жалпы бағдарлама арқылы ауыл тұрғындарының әл-ауқатын көтеру әрі жұмыспен қамту деңгейін арттыру ауылдың тұрмыс сапасын жақсартып, жастардың ауылда қалуына ықпал етеді. Сонымен қатар ауылдық мәдениет пен дәстүрлерді сақтау, ұлттық құндылықтарды насихаттау да маңызды мәселелердің бірі болып табылады.

Ауыл аманаты бағдарламасы ұлттық экономиканың негізі болып табылатын ауыл шаруашылығы саласын дамытуға бағытталған кешенді жоба. Тиімді бағдарламаның іске асырылуы арқылы ауылды жерлердің әлеуметтік-экономикалық дамуы, тұрғындардың өмір сүру сапасының артуы, сондай-ақ ауыл шаруашылығы өнімдерінің өндірісі мен экспортын арттыру мүмкіндігі туындайды. Қазақстанның ауылдық аймақтарының болашағы үшін «Ауыл аманаты» бағдарламасы жаңа мүмкіндіктер мен еңсесін көтеру жолындағы сенімді серік.

Салтанат Ражатова сияқты кәсіпкерлердің тәжірибесі, ауылдық жерлерде кәсіпкерлікті дамыту жолында маңызды рөл атқарады. Олардың табыстары мен жетістіктері ауыл аманатының қоғамға беретін пайдасын айқын көрсетеді.