Тоқаев пен Ердоған стратегиялық серіктестік туралы декларацияға қол қойды
Қазақстан мен Түркия арасында мәңгілік достық туралы келісімге қол қойылды. Бұл туралы Ақорданың баспасөз қызметі хабарлады.
– Екіжақты келіссөздер мен Қазақстан – Түркия Жоғары деңгейдегі стратегиялық ынтымақтастық кеңесінің алтыншы отырысының қорытындысы бойынша Президент Қасым-Жомарт Тоқаев пен Президент Режеп Тайип Ердоған Қазақстан Республикасы мен Түркия Республикасы арасындағы мәңгілік достық және кеңейтілген стратегиялық серіктестік туралы декларацияға қол қойды, - делінген хабарламада.
Айта кетелік, Қасым-Жомарт Тоқаев пен Режеп Тайип Ердоған Қазақстан – Түркия Жоғары деңгейдегі стратегиялық ынтымақтастық кеңесінің алтыншы отырысын өткізді.
Осыған дейін хабарлағанымыздай, Газиантептің Нурдагы қаласында Қожа Ахмет Ясауи атындағы мектеп ашылды.
Сондай-ақ бұдан бұрын Түрік компаниялары Қазақстанда 3 мыңнан астам жұмыс орнын ашатынын жазған едік.
