"Болашақ" бағдарламасы бойынша шәкіртақыны 10-15% өсіру жоспарланып отыр
Фото: Freepik.comҚазақстан "Болашақ" халықаралық бағдарламасы бойынша шәкіртақыларды 10-15% арттыруды қарастырып жатыр. Бұл туралы Stan.kz ақпарат агенттігі хабарлайды.
Халықаралық бағдарламалар орталығы төрағасының орынбасары Абай Рахмет үкіметтік брифингте шәкіртақының бірнеше жыл өспегенін мәлімдеді.
“Шәкіртақы 15 жылдан астам уақыт бойы өсірілген жоқ. Бірақ инфляция бүкіл әлемде өсіп келеді және біз стипендиаттарымыздың кейде тіпті отбасыларымен кетіп жатқанын көріп отырмыз. Ал кейбір елдерде шәкіртақы жетпейді”, – деді Абай Рахмет.
Оның айтуынша, шәкіртақыны көбейту мәселесі қарастырылып жатыр және келесі жылы соңғы шешім қабылданбақ.
"Шәкіртақы мөлшері ел мен қалаға байланысты өзгереді. Мысалы, Нью-Йоркте ол жоғары – шамамен 2200 доллар. Басқа штаттарда төмен. Бір нұсқа – шәкіртақыға орын санын азайту және үнемделген қаражатты оқып жатқан студенттердің шәкіртақысын көбейтуге пайдалану", – деп түсіндірді Абай Рахмет.
Ол шәкіртақы орта есеппен 10-15% өсетінін, бірақ кейбір елдер мен қалаларда өсім жоғары болуы мүмкін екенін қосты.
Еске салсақ, "Болашақ" бағдарламасы талаптарына сай келмейтін үміткерлерге 7,7 миллиард теңге шәкіртақы тағайындалған еді.
