21-23 қыркүйек күндері Қазалы ауданы Әйтеке би кентінде грек-рим күресінен 2002-2003 жылдары туылған жасөспірімдер арасында 13-ші халықаралық турнир өтеді.
Дүбірлі бәсекеге Ресей, Дағыстан, Өзбекстан, Қырғызстан, Тәжікстаннан және еліміздің бірқатар облыстарынан 29 команда, 300-ден аса спортшылар қатысады. Жарыста спортшылар 10 салмақ дәрежесінде (45, 48, 51, 55, 60, 65, 71, 85, 92, 110 келі) жүлделерді сарапқа салады.
 Турнирге ҚР еңбек сіңірген жаттықтырушысы, жоғары ұлттық дәрежедегі төреші Виктор Юн (Қызылорда) төрешілік жасайды.
Жарыс 21 қыркүйек күні сағат 10.00-де басталады, 15.00-де салтанатты ашылуы өтеді.