«МЕРЕЙЛІ ОТБАСЫ» ҰЛТТЫҚ КОНКУРСЫНЫҢ ЖЕҢІМПАЗЫ ҮЙДЕН ДАУЫС БЕРДІ
Еліміздің болашағы үшін маңызды саяси науқанда Бекарыстан би ауылының тұрғыны, «Мерейлі отбасы – 2025» ұлттық байқауының жеңімпазы атанған ардақты ана Бердалиев Аймекен өз азаматтық ұстанымын білдіріп, үйден дауыс берді.
Құрметті кейуананың өтініші негізінде Бекарыстан би ауылындағы №84 референдум учаскесінің мүшелері арнайы барды. Осылайша, ел өміріндегі маңызды шешім қабылданатын сәтте өзінің азаматтық белсенділігін танытып, таңдауын жасады.
Бүгінде 92 жасты еңсерген Бердалиев Аймекен анамыз – тыл ардагері, өмір бойы еңбек етіп, ұрпақ тәрбиесіне үлес қосқан ардақты жан. Оның ел тағдырына бейжай қарамай, жасы ұлғайса да қоғамдық маңызды іске қатысуы – кейінгі буынға үлгі боларлық өнеге.
#Референдум2026
#15наурыз
