АҚ ЖАУЛЫҚТЫ АНАЛАР АЗАМАТТЫҚ БЕЛСЕНДІЛІК ТАНЫТТЫ
Бүгін елімізде өтіп жатқан республикалық референдум аясында Тасарық ауылындағы №77 референдум учаскесінде ауылдың ақ жаулықты аналары да белсенділік танытты.
Атап айтқанда, “Ару-Ана” әжелер ансамблінің мүшелері учаскеге арнайы келіп, өз таңдауларын жасап, ел болашағына қатысты маңызды саяси науқанға үлес қосты.
Салт-дәстүрді дәріптеп, кейінгі ұрпаққа өнеге болып жүрген әжелеріміз бұл жолы да азаматтық жауапкершіліктің үлгісін көрсетті. Ақ жаулықты аналардың референдумға қатысуы – олардың ел тағдырына бейжай қарамайтынын, мемлекет болашағына қатысты әрбір шешімге үлкен мән беретінін аңғартады.
Ауыл тұрғындарына өнеге боларлық бұл қадам – қоғамдағы бірлік пен жауапкершіліктің айқын көрінісі. Елдік мәселелерге бейжай қарамай, маңызды сәтте өз таңдауларын жасау арқылы әжелеріміз жас буынға үлгі көрсетіп, белсенді азаматтық ұстанымдарын танытты.
