Қазалылық 102 жастағы кейуана дауыс берді
Қазалы ауданында 102 жастағы кейуана да өз таңдауын жасап, дауыс берді. Әйтеке би кенті, Қашаубаев көшесі, 9-үйдің тұрғыны Сопия Сағымбайға №362 сайлау учаскесінің комиссия мүшелері арнайы үйіне барып, дауыс беруіне мүмкіндік жасады. Ғасыр жасаған кейуана ел тағдырына бейжай қарамай, азаматтық белсенділігін танытып, өз таңдауын жасады.
Сайлау комиссиясының мүшелері қарт ананың жағдайын ескеріп, барлық қажетті рәсімдерді үйінде ұйымдастырып, дауыс беру құқығын пайдалануына қолайлы жағдай жасады. Сопия әже елдің бірлігі мен амандығын тілеп, болашаққа деген сенімін білдірді.
