Мектеп бітіргендеріне 20 жыл болған түлектер таңдау жасады
Қазалылықтардың референдумға ерекше белсенділікпен атсалысып жатқаны анық байқалады. Соның жарқын мысалы – №91 учаскеде орын алған мына бір сәт.
Мектеп бітіргендеріне 20 жыл толған түлектер осы күні арнайы кездесіп, сынып жетекшілерімен бірге референдум учаскесіне келіп, өз таңдауларын жасады. Олар азаматтық борыштарын орындап қана қоймай, ұстаздарына деген құрметін де көрсетіп, бірлік пен ұйымшылдықтың үлгісін танытты.
Түлектердің айтуынша, мектеп қабырғасында алған тәрбиенің, ұстаздарының берген тәлімінің арқасында ел тағдырына бейжай қарамай, қоғам өміріндегі маңызды сәттерде белсенді болу – әр азаматтың міндеті. Бұл кездесу олардың естеліктерін жаңғыртып қана қоймай, ел болашағына деген жауапкершілікті бірге сезінген ерекше күн болғандай.
