РЕФЕРЕНДУМ – БІРЛІК ПЕН МЕРЕКЕНІҢ КӨРІНІСІ

Бүгін аудандағы Қызылқұм ауылдық округіне қарасты Кәукей ауылындағы №80 референдум учаскесінде дауыс беру науқаны жоғары деңгейде ұйымдастырылып, ауыл тұрғындары белсенді қатысуда. Ел болашағына қатысты маңызды таңдау жасалып жатқан бұл күн ауыл тұрғындары үшін ерекше көңіл-күй сыйлады.

Референдум барысында Кәукей ауылдық клубының өнерпаздары арнайы шағын концерттік бағдарлама ұсынып, әсем әндер орындалды. Өнерлі жастар мен ауыл тұрғындарының өнері келген жұртқа көтеріңкі көңіл күй сыйлады.

Сонымен қатар дауыс беруге келген азаматтарға арнап жайылған дастарханнан дәм ұсынылып, тұрғындар бір-бірімен жүздесіп, жылы тілектерін білдірді. Осылайша референдум күні ауылда бірлік пен ынтымақтың, мерекелік көңіл-күйдің жарқын көрінісіне айналды.

#kizilkum

#референдум2026