Сақтық шарасын қатаң сақтайық
ҚҰРМЕТТІ АУДАН ТҰРҒЫНДАРЫ МЕН ҚОНАҚТАРЫ!Ауа райының күрт өзгеруіне байланысты өңірімізде қарлы боран соғып, күннің салқындауы байқалуда. Осыған орай тұрғындарға қауіпсіздік шараларын сақтап, мүмкіндігінше алыс жолға шықпауларын сұраймыз.
Қазіргі таңда жолдарда көру мүмкіндігі төмендеп, қарлы боран салдарынан қозғалысқа қолайсыз жағдай қалыптасуда. Сондықтан жолға шығуды кейінге қалдырып, ауа райы тұрақталғанша сақтық танытқан жөн.
Қазіргі таңда ауа-райының нашарлауына байланысты Республикалық маңызы бар KAZ 06 «РФ-Мартук-Ақтөбе-Қарабұтақ-Қызылорда-Шымкент-Тараз-Қордай-Алматы-Хоргос-ҚХР»автомобиль жолының 1362-1806 шақырым аралығына (Арал қаласынан бастап Қызылорда қаласына дейін) барлық автокөліктердің қозғалысына шектеу қойылады.
Төтенше жағдайлардың алдын алу мақсатында барша тұрғындарды қауіпсіздік талаптарын қатаң сақтауға шақырамыз. Өздеріңіз бен жақындарыңыздың амандығы үшін аса қажетті жағдай болмаса, алыс сапарларға шықпағандарыңыз дұрыс.
Баршаңызды сақ болуға шақырамыз!
