5 облыстағы республикалық маңызы бар жолдарда көлік қозғалысы шектелді
ҚазАвтоЖол 14 желтоқсанда сағат 16:00-де ауа райының күрт бұзылуына байланысты республикалық маңызы бар бірнеше автожолда көлік қозғалысына шектеу енгізілгені туралы шұғыл ақпарат жариялады, деп жазады inbusiness.kz сайты.
Фото: canvaАқтөбе облысы:
"РФ шекарасы-Мәртөк-Ақтөбе-Қарабұтақ-Қызылорда-Шымкент-Тараз-Қордай-Алматы-Қорғас-ҚХР шекарасы" автожолының 1153-1240 шақырым аралығындағы Ырғыз елді мекенінен Қызылорда облысының шекарасына дейін;
"Ақтөбе-Орал-РФ шекарасы" автожолының 526-610 шақырым аралығындағы Батыс-Қазакстан облысының шекарасынан Қобда елді мекеніне дейін.
Қызылорда облысы:
"РФ шекарасы-Мәртөк-Ақтөбе-Қарабұтақ-Қызылорда-Шымкент-Тараз-Қордай-Алматы-Қорғас-ҚХР шекарасы" автожолының 1240-1362 шақырым аралығындағы Ақтөбе облысының шекарасынан Арал қаласына дейін.
Батыс-Қазақстан облысы:
"Ақтөбе-Орал-РФ шекарасы" автожолының 394-526 шақырым аралығындағы Жымпиты елді мекенінен Ақтөбе облысының шекарасына дейін;
Маңғыстау облысы
Республикалық маңызы бар "Доссор – Құлсары – Бейнеу – Сайөтес – Шетпе – Жетібай – Ақтау" 332–632 шақырым аралығындағы Бейнеу елді мекенінен Шетпе елді мекеніне дейін;
Абай облысы
Республикалық маңызы бар "Таскескен- Бахты- ҚХР шекарасы" автожолының 0-187 шақырым аралығындағы Таскескен елді мекенінен ҚХР шекарасына дейін барлық көлік түрінің қозғалысына шектеу енгізіледі.
