Дәрі-дәрмек қорына партиялық мониторинг жүргізілді

Бүгін партияның аудандық филиалы жанындағы Партиялық бақылау комиссиясы емдеу ұйымдарындағы жағдайды зерделеу мақсатында мониторинг жұмыстарын жүргізді. Іс-шараға партияның аудандық филиалының Атқарушы хатшысы Нұрғиса Жалғасбаев, комиссия төрағасы Әділбек Сарабеков, комиссия мүшесі, аудандық көпбейінді орталық ауруханасының дәрігер-эксперті Күншығар Әбілов қатысты.

Қазалы аудандық емханасында жүргізілген мониторинг барысында дәрі-дәрмектер қорының жеткіліктілігі мен олардың тиісті деңгейде жабдықталуы қаралды. Күншығар Әбілұлы медициналық ұйым дәрі-дәрмекпен толық қамтылғанын атап өтіп, сонымен қатар медицина қызметкерлерінің жұмыс жағдайы мен науқастарға көрсетіліп жатқан медициналық көмектің сапасына тоқталды.

Өз кезегінде бақылау комиссиясының мүшелері халыққа сапалы әрі қолжетімді медициналық қызмет көрсету партияның сайлауалды бағдарламасындағы негізгі басымдықтардың бірі екенін атап өтті. Сондай-ақ емдеу ұйымдарының материалдық-техникалық жағдайын жақсартуға бағытталған мониторинг жұмыстары алдағы уақытта да тұрақты түрде жалғасатынын жеткізді.

#AMANAT