«Қар көшкіні жүруі мүмкін»: Синоптиктер алматылықтарға ескерту жасады
Фото: freepik.comКазгидромет Алматы қаласы мен облысы тұрғындарына алдағы үш күн қатарынан тауда қар көшкіні жүру қаупі бар екенін ескертті, деп хабарлайды Orda.kz.
Синоптиктер алматылықтар мен облыс тұрғындарын 20–23 ақпан күндері тауға шықпауға шақырды.
«Күн жылынуына байланысты Үлкен және Кіші Алматы өзендері бассейндерінде қар көшкіні жүру қаупі бар. Қар басқан беткейлерге шықпауды ұсынамыз. Себебі бұл көшкіннің жүруіне себеп болуы мүмкін. Тауда абай болыңыздар» деп ескертті синоптиктер.
Кеше Алматыда ауа райы әдеттен тыс жылы болды. Қалада ауа температурасы +23 градусқа дейін көтерілді. Синоптиктер мұндай көрсеткіштің қалыпты емес екенін айтып, қалада температуралық рекорд жаңарғанын мәлімдеді.
