Қазақстанда рақымшылық бойынша мыңдаған сотталған бостандыққа шықты
ЖИ/UlysmediaҚазақстанда Конституцияның 30 жылдығына орай жарияланған рақымшылық аясында 2 мыңнан астам адам қылмыстық-атқару жүйесі мекемелерінен босатылды, деп хабарлайды Ulysmedia.kz.
ТОЛЫҒЫРАҚ
Бұл туралы ҚР ІІМ Қылмыстық-атқару жүйесі комитеті (ҚАЖК) мәлімдеді.
– Жүргізілген жұмыстардың нәтижесінде соттар 15 970 ұсынысты қарады. Қылмыстық-атқару жүйесі мекемелерінен 2 мыңнан астам адам, оның ішінде әйелдер мен кәмелетке толмағандар босатылды, – делінген хабарламада.
Сондай-ақ соттар 11 мыңнан астам сотталушының жаза мерзімін қысқартқан.
– Рақымшылық кәмелетке толмағандарды, балалы әйелдерді, жүкті әйелдерді, мүгедектерді және қарт адамдарды қамтыды. Заң пенитенциарлық жүйеге түсетін жүктемені азайтуға және әлеуметтік әділеттілікті қолдауға мүмкіндік берді, – деп атап өтті ҚАЖК.
Бостандыққа шыққан азаматтардың барлығы пробация қызметтерінің тұрақты бақылауында және полицияда жеке есепке қойылған.
