Елімізге Азиядан келетін студенттердің саны артты
Қазақстанда 31,5 мың шетелдік студент білім алып жатыр
Фото: ЖИБұл туралы Ғылым және жоғары білім министрі Саясат Нұрбек Мәжілістің жалпы отырысында айтты, деп жазды Caravan.kz медиа порталы baq.kz-ке сілтеме жасап.
Қазақстанның өңірлік академиялық хаб ретінде қалыптасу бағытында министрлікпен жүйелі түрде жұмыстар жүргізілуде. Бүгінгі күні елімізде 31 500 шетелдік студент білім алып жатыр. Бұл – тарихи рекорд. Алғаш рет Азиядан келген студенттер саны ТМД студенттерінің санынан асып түсті. 2029 жылға қарай олардың санын 150 000-ға дейін арттыруды жоспарлаудамыз. Бұл мәселені ілгерілету үшін Study in Kazakhstan білім көрмесі ұйымдастырылып, іске асырылып келеді, – деді ведомство басшысы.
Оның аясында биыл Лондонда Қазақстан алғаш рет Bett Show 2025 көрмесінде ұлттық білім павильонын ұсынды. 2025 жылы білім көрмелері Ұлыбритания, Әзербайжан, Пәкістан және Қытайда өтті.
