Стипендия екі есе көбейеді – Саясат Нұрбек
2025 жылға дейін студенттердің шәкіртақысы екі есеге өседі. Бұл туралы ғылым және жоғары білім министрі Саясат Нұрбек мәлімдеді, деп хабарлайды Sputnik Қазақстан тілшісі.Бүгінде грант саны да жыл сайын артып келеді. Соңғы екі жылда мемлекеттік тапсырыс тағы 20 мың грантқа өсіп, 88 мыңға дейін жетті. Ал 2025 жылы 90 мың грантқа көтеріледі. Студенттердің шәкіртақысы да өсіп жатыр.
"2025 жылға дейін студенттердің стипендиясы 2 есеге, магистранттар мен докторанттарға 1,5 есеге артады", - деп атап өтті Нұрбек үкіметтің бүгінгі отырысында.
Ресми мәліметке сәйкес, қазіргі кезде Қазақстанда 623 839 студент бар. Барлығы 120 жоғары оқу орнында оқиды. Былтыр барлық түлектің 68,9 проценті жұмысқа тұрған.
