Құқықбұзушылықтың алдын алу бойынша түсіндірме жұмыстары жүргізілді

Жанқожа батыр атындағы №94 орта мектепте оқушылар арасында құқықбұзушылықтың алдын алу, тәртіп сақтау мәдениетін арттыру және жасөспірімдер қауіпсіздігін қамтамасыз ету мақсатында ата-аналармен арнайы кездесу өткізілді.
Жиын барысында жауапты мамандар кәмелетке толмағандардың құқықтық жауапкершілігі, тұрмыстық тәртіп, интернеттегі қауіпсіздік, буллинг пен кибербуллингтің зияны туралы кеңінен ақпарат беріп, ата-аналармен ашық пікір алмасу ұйымдастырды.
Сонымен қатар, балалардың бос уақытын тиімді өткізу, мектеп пен ата-ана арасындағы өзара байланыс пен бақылаудың маңызы атап өтілді.
Іс-шараның негізгі мақсаты — жасөспірімдердің құқықтық сауаттылығын арттыру және құқықбұзушылықтың алдын алу бағытында бірлесе жұмыс жүргізу.