Республика күніне орай оқушылармен кездесу ұйымдастырылды
Республика күніне орай аудандық прокуратура қызметкерлері жас ұрпақтың құқықтық мәдениетін арттыру мақсатында мектеп оқушыларымен кездесу өткізді.
Іс-шара барысында оқушыларға Қазақстан Республикасының Конституциясы мен өзге де заңнамалардың негізгі талаптары түсіндірілді.Сондай-ақ, құқық бұзушылықтың алдын алу, кәмелетке толмағандардың жауапкершілігі мен заңға құрметпен қарау мәселелері талқыланды.
Кездесу барысында оқушылар өздерін қызықтырған сұрақтарын қойып, прокурорлардан нақты жауаптар алды.
Мұндай кездесулер жасөспірімдердің құқықтық сауаттылығын арттыруға және олардың қоғамдағы жауапты азамат ретінде қалыптасуына ықпал етеді.
Іс-шара Республика күні қарсаңында өткізілгендіктен, қатысушылар ел тарихы мен Тәуелсіздіктің маңыздылығы туралы да ой бөлісті.
