Аудан әкімі жеке қабылдау өткізді
Аудан әкімі Алмасбек Есмаханов кезектілік тәртібімен жазылған аудан тұрғындарымен жеке қабылдау өткізді.Қабылдауға келген азаматтар өздерін толғандырған ұсыныс-пікірлері мен өтініштерін жеткізді. Аудан әкімі қабылдау барысында тұрғындармен ашық әңгімелесіп, олардың мәселесін мұқият тыңдады.
Қабылдауда тұрғындар тарапынан тұрақты жұмысқа орналасу, тұрғын үй кезегі, Ұлы Отан соғысы ардагерінің атына көше атауын алу, көшелерді асфальттау сынды мәселелер қаралды.
Жеке қабылдауда көтерілген мәселелерге заңға сәйкес түсіндіру жұмыстары жүргізіліп, сала басшыларына нақты тапсырмалар берілді.
Айта кетейік, тұрғындар аудан әкімінің қабылдауына egov.kz порталы, е-otinish бірыңғай базасы арқылы немесе әкімдікке келіп, жазбаша өтініш беру арқылы жазыла алады.
