Қазақстанда кімдер ең жоғары жалақы алады?
Фото: depositphotos.comҚазақстанда кімдер ең жоғары жалақы алатыны белгілі болды. Бұл туралы Еңбек және халықты әлеуметтік қорғау министрлігі мәлімдеді, - деп хабарлайды Massaget.kz.
Бос жұмыс орындары бойынша
Бос жұмыс орындарының саны бойынша білім беру саласы көш бастап тұр (41,1 мың немесе 31%), одан кейінгі орындарда әртүрлі қызмет көрсету саласы (17,5 мың немесе 13%), денсаулық сақтау мен халықты әлеуметтік қорғау саласы (11,7 мың немесе 9%) бар.
Ең көп бос жұмыс орны Түркістан облысында (12 мың), Астана қаласында (11,4 мың) және Жамбыл облысында (8,8 мың) жарияланған. Ал түйіндемелер саны бойынша көшбасшылар қатарында Түркістан облысы (13,4 мың), Астана қаласы (9,1 мың) және Қызылорда облысы (8,3 мың) тұр.
Жұмыс берушілер ұсынған ең жоғары жалақы:
- Өндіріс бастығының орынбасары (1 млн теңге);
- Компьютер ойындары дизайнері (990 мың теңге);
- Омбудсмен (990 мың теңге) лауазымдары.
Ең жоғары жалақы сұрағандар:
- Коммерциялық әуе лайнерінің ұшқышы (2,8 млн теңге);
- Өрттің алдын алу және сөндіру жөніндегі кенші (2 млн теңге);
- Басқарма төрағасының орынбасары (1,8 млн теңге).
