Зейнетақы жинағын пайдалануға қатысты маңызды өзгеріс әзірленіп жатыр

Зейнетақы жинағын пайдалануға қатысты маңызды өзгеріс әзірленіп жатыр

Фото: ЖИ

Енді Қазақстан азаматтары Бірыңғай жинақтаушы зейнетақы қорындағы (БЖЗҚ) жинағын бірнеше мақсатта пайдалана алуы мүмкін. Мұндай бұйрық жобасын Өнеркәсіп және құрылыс министрлігі әзірледі, - деп хабарлайды Massaget.kz.

Бұйрық жобасы 21 қарашаға дейін "Ашық НҚА" порталында талқыланады.

Жоба зейнетақы жинағын пайдалану мүмкіндігін кеңейтуді көздейді. Оларды мынадай мақсаттарға бағыттауға рұқсат беру ұсынылып отыр:

тұрғын үй несиесі бойынша негізгі қарызды өтеу;

ай сайынғы төлемді азайту;

несиенің мерзімін қысқарту.

Министрлік мәліметінше, өзгерістің мақсаты - біржолғы зейнетақы төлемін пайдалану процесін тиімді әрі ыңғайлы ету.